වර්ෂ 150කට ආසන්න ඉතිහාසයක් ඇති රබර් කර්මාන්තය මෙරට අපනයන ආදායමට 8.33%ක දායකත්වයක් දක්වමින්, තෙවැනි විශාලතම අපනයන ආදායම් උපයන කර්මාන්තය ලෙස රබර් කර්මාන්තය 2024 වසරේ ඩොලර් මිලියන 1,001.54 ආදායමක් අත්පත් කරගෙන ඇත.
2017-2025 කාල පරිච්ඡේදය සදහා ‘රබර් මහ සැලැස්ම’ ක්රියාත්මක කිරීමට අමාත්ය මණ්ඩල අනුමැතිය ලැබී මේ දක්වා ක්රියාත්මක වෙමින් පවතී. උක්ත සැලැස්ම සකසන කාලවකවානුවට වඩා දේශගුණික වෙනස්කම් , නව රෙගුලාසි ඇතිවීම ( EUDR ), රබර් වගාවේ පවතින රෝග පාලනය කිරීම ඇතුළු රබර් වගාව ආශ්රිතව පැන නැගී ඇති ගැටළු, සැපයුම් දාමයේ පවතින දුර්වලතාවයන් හේතුවෙන් වගා කරුවන්ට ඔවුන්ගේ නිෂ්පාදන සදහා අඩු මිලක් ලැබීම ආදී හේතු මත කුඩා රබර් වගා හිමියන් රබර් වගාවෙන් ඉවත් යවෙමින් පැවතීම තුල නව සැලැස්මක අවශ්යතාවය මතුව ඇත. 2026 වර්ෂයේ සිට ඉදිරි දශකය සඳහා රබර් කර්මාන්තයේ ඉදිරි ගමන සැලසුම් කිරීමේ අරමුණින් “රබර් මාර්ග සිතියම” සැකසීම 2025.ඔක්තෝම්බර් මස 28 දින ජාතික වැවිලි කළමනාකරණ ආයතනයේදී පවත්වන ලදී.
මේ සදහා රාජ්ය ආයතන, පෞද්ගලික ආයතන හා ප්රතිපත්ති සම්පාදකයින් සම්බන්ධ කර ගනිමින් සමස්ත රබර් කර්මාන්තයටම අදාළව සියළුම අංශ ආවරණය වන පරිදි රාජ්ය සේවයේ විශ්රාමික අමාත්යාංශ ලේකම් රබර් ක්ෂේත්රයේ විශේෂඥ චන්ද්රසේන මාලියැද්ද මහතාගේ සම්පත් දායකත්වය මත රබර් මාර්ග සිතියම සකස් කිරීමේ පළමු වැඩමුළුව සාර්ථකව අවසන් කරන ලදී.
මෙම වැඩමුළුව සඳහා රබර් සංවර්ධන දෙපාර්තමේන්තුව, ශ්රී ලංකා රබර් පර්යේෂණායතනය,වෙළෙඳ වාණිජ හා ආහාර සුරක්ෂිතතා සහ සමූපකාර සංවර්ධන අමාත්යාංශය, කෘෂිකර්ම පශු සම්පත් ඉඩම් හා වාරිමාර්ග අමාත්යාංශය, කාර්මික හා ව්යවසායකත්ව සංවර්ධන අමාත්යාංශය. ජාතික ක්රමසම්පාදන දෙපාර්තමේන්තුව, ජාතික වැවිලි කළමණාකරන ආයතනය, අපනයන සංවර්ධන මණ්ඩලය, කාර්මික සංවර්ධන මණ්ඩලය, ශ්රී ලංකා රේගුව, ශ්රී ලංකා ආයෝජන මණ්ඩලය, රබර් නිෂ්පාදකයන්ගේ හා අපනයනකරුවන්ගේ ශ්රී ලංකා සංගමය, කොළඹ රබර් වෙළෙඳුන්ගේ සංගමය, වැවිලි කරුවන්ගේ සංගමය, තාක්ෂණික වශයෙන් විශේෂීකරණය වූ රබර් නිෂ්පාදකයන්ගේ සංගමය, කුඩා හා මධ්ය පරිමාණ රබර් නිෂ්පාදන නිෂ්පාදකයන්ගේ සංගමය, කුඩා රබර් වතු හිමියන්ගේ සංගමය යන රබර් ක්ෂේත්රය නියෝජනය වන සියළුම රාජ්ය හා අර්ධ රාජ්ය, පෞද්ගලික ආයතන සම්බන්ධ වන ලදී.